Қазіргідей елімізде карантин режимі жарияланған уақытта өңір тұрғындары аз қамтыл-ған отбасыларға көмек көрсетуге асыға ұмтылуда. Иә, бұл біз үшін үлкен қуаныш. Өйткені, бұндай игі шаралар-аудандағы бірқатар азаматтардың қиын жағдайда қалған отбасыларға көмек көрсетіп, қолыұшын созуға дайын екендігіне анық дәлел болып отыр. Ел Президенті Қасым-Жомарт Кемелұлы өз сөзінде атап өткендей, біз бірге болып, бір-бірімізге қолдау көрсеткенде ғана кез келген қиындықты жеңіп шығамыз.
Осы орайда, Бақбақты ауылындағы №1 Жамбыл атындағы орта мектеп ұжымы да қайырымды істен шет қалмай, аталмыш ауылдағы 10 отбасыға көмек көрсетті. «Қайырымдылықты-қадірлі іс» санайтын бұл ұжым қызметкерлерінің бойындағы асыл қасиет десек артық айтпаған болар едік.
Алтынай ТАЛҒАТҚЫЗЫ, «Балқаш өңірі».
