4 отбасыны қуантты
Қасиетті Рамазан айында «Алматы-Бақанас» бағыты арасында қатынайтын таксистер қауымы жұмылған жұдырықтай жиылып, өз қаражаттары есебінен аудан орталығындағы 4 отбасыны азық-түлікпен қамтыды. Қайырымы мол Рамазан айында қайырымдылық жасап, қиын шақта қолдау көрсеткен таксистердің бұл игі ісі-көпке үлгі.
Жақсылық жасаудан шет қалмай, игіліктің басы-қасында жүрген таксистер қауымының бұл алғашқы және соңғы көмек көрсетуі емес. Осылайша олар аудандағы көмекке мұқтаж отбасылардың алғысын арқалады.
Алтынай СЕЙТКЕН, "Балқаш өңірі".
