Мемлекеттік рәміздер – әрбір елдің тәуелсіздігін, егемендігін және ұлттық бірегейлігін айқындайтын басты құндылықтардың бірі. Қазақстан Республикасының Мемлекеттік Туы, Елтаңбасы және Әнұраны – халқымыздың тарихын, мәдениетін және болашаққа деген сенімін бейнелейтін қасиетті белгілер.
Осы орайда Балқаш ауданының белсенді жас спортшысы, Бақанас балалар-жасөспірімдер спорт мектебінің тәрбиеленушісі, «BATYR BAKANAS» клубының капитаны, Nomad MMA бойынша Қазақстан Республикасының күміс жүлдегері Валиев Альтаир «Рәміздерім – мақтанышым» атты патриоттық челленджге қатысып, жастарды мемлекеттік рәміздерді құрметтеуге шақырды.
Спортшы өз сөзінде мемлекеттік рәміздерге деген құрмет – Отанға деген сүйіспеншіліктің көрінісі екенін атап өтті. Сонымен қатар ол халықаралық және республикалық жарыстарда ел намысын қорғау әрбір спортшы үшін үлкен жауапкершілік екенін жеткізді.
Мемлекеттік рәміздерімізді қастерлеу, олардың мәртебесін биік ұстау – әрбір қазақстандықтың азаматтық борышы.
