Қазақстан Конституциясының Преамбуласын толық жаңарту туралы ұсыныс – елдің қазіргі даму кезеңіне сай келетін маңызды әрі мәнді қадам. Преамбулада мемлекеттің миссиясы, негізгі құндылықтары мен қоғам дамуының бағыт-бағдары айқындалатындықтан, оны жаңа ұлттық құндылықтар мен заманауи сын-қатерлерді ескере отырып қайта қарау орынды деп санаймын. Адам, оның өмірі, құқықтары мен бостандықтарын ең жоғары құндылық ретінде бекіту – демократиялық, құқықтық және әлеуметтік мемлекет құру жолындағы басты қағида. Сонымен қатар, мемлекет пен дін арасындағы өзара іс-қимыл нормаларын жетілдіру қоғамдағы тұрақтылық пен келісімді нығайтуға ықпал етеді. Жалпы алғанда, Преамбуланың жаңа редакциясы Қазақстанның тарихи сабақтастығын сақтай отырып, болашаққа бағытталған стратегиялық дамуын айқындайды және Конституцияның идеологиялық әрі құқықтық маңызын күшейтеді деп есептеймін.
Балқаш ауданының қоғам белсендісі – Ғ.Жусупова
