Конституцияға енгізілетін ауқымды өзгерістер Қазақстанның мемлекеттік құрылымын жаңғыртуға бағытталған жүйелі реформа екенін көрсетеді. Негізгі заңның басым бөлігіне түзетулер енгізілуі қоғамдағы өзекті сұраныстарды ескеруге және құқықтық жүйені жетілдіруге мүмкіндік береді. Азаматтардың ел басқару ісіне қатысу тетіктерінің кеңеюі мен құқықтары мен бостандықтарын қорғау кепілдіктерінің күшеюі – бұл реформаның басты құндылығы. Сонымен қатар, мемлекеттік билікті ұйымдастырудың жаңа тәсілдері басқару тиімділігін арттырып, заң үстемдігін нығайта түседі. Жалпы алғанда, ұсынылып отырған конституциялық өзгерістер елдің тұрақты дамуына, әділетті және ашық қоғам қалыптастыруға бағытталған маңызды қадам деп есептеймін.
Балқаш аудандық аналар кеңесінің төрайымы – Ғ.Әліпбаева
