
Мемлекет басшысы Қасым-Жомарт Тоқаев өз сөзінде сыбайлас жемқорлыққа қарсы күрестің мемлекеттік саясаттағы басым бағыттардың бірі екенін атап өтті. Бұл – Әділетті Қазақстанды қалыптастырудың маңызды алғышарты. «Заң мен тәртіп» қағидаты қоғамдағы барша азаматтың лауазымы мен әлеуметтік жағдайына қарамастан, заң алдында тең болуын талап етеді. Ешбір жоғары мәртебе немесе бұрынғы еңбегі адамды жауапкершіліктен босатуға негіз бола алмайды.
Сыбайлас жемқорлық елдің ұлттық мүддесіне зиян келтіріп, экономикалық дамуды тежейді және мемлекеттік органдарға деген қоғамдық сенімді әлсіретеді. Сондықтан онымен күрес тек жазалау шараларымен шектелмей, мемлекеттік басқарудың ашықтығын арттыру, құқық бұзушылықтардың алдын алу және қоғамда құқықтық мәдениетті қалыптастыру бағыттарын қамтуы тиіс. Сонымен қатар әрбір істі қарау барысында заңдылық пен әділдік талаптары қатаң сақталуы қажет. Президент атап өткендей, сыбайлас жемқорлық қылмысын жасаған тұлғалар заң алдында міндетті түрде жауап береді.


