Аудан аумағында «Сталкингке жол жоқ!» тақырыбында алдын алу іс-шаралары өткізілуде. Осы аптада Бақанас мектеп-интернатында жасөспірімдер арасында сталкингтің алдын алу, олардың құқықтық сауаттылығын арттыру және қауіпсіз мінез-құлық мәдениетін қалыптастыру бағытында ақпараттық кездесу өткізілді. Кездесу барысында оқушыларға сталкингтің түрлері мен оның салдары түсіндіріліп, құқықтық жауапкершілік мәселелері кеңінен айтылды. Сондай-ақ, жеке қауіпсіздікті сақтау жолдары жөнінде ақпарат беріліп, қатысушылардың сұрақтарына жауаптар ұсынылды. Шара жасөспірімдердің құқықтық білімін арттыруға және қоғамда қауіпсіз орта қалыптастыруға бағытталды.
#stopstalking
