Қазақстанда жүзеге асырылып жатқан конституциялық өзгерістер мемлекеттің құқықтық
негіздерін жаңаша пайымдауға бағытталған кешенді реформа екенін айқын көрсетеді. Негізгі заң
мәтінінің елеулі бөлігіне түзетулер енгізілуі және Преамбуланың жаңа редакцияда ұсынылуы елдің
даму философиясын қазіргі қоғамдық сұраныстармен үйлестіруге мүмкіндік береді. Жаңартылған
Преамбулада адамның қадір-қасиеті, құқықтары мен бостандықтары басты құндылық ретінде
айқындалып, Қазақстанның демократиялық, зайырлы және әлеуметтік мемлекет ретіндегі мәртебесі
нақты бекітіледі. Бұл өз кезегінде мемлекеттің халық алдындағы жауапкершілігін күшейтіп, әділетті
басқару қағидаттарын орнықтырады. Сонымен қатар, билік тармақтарының тепе-теңдігін жетілдіру,
азаматтық қоғам институттарының рөлін арттыру және мемлекет пен дін арасындағы қатынастарды
құқықтық тұрғыдан нақтылау елдегі қоғамдық келісім мен тұрақтылықты нығайтуға оң әсер етеді.
Осы реформалар Қазақстанның ұзақ мерзімді дамуына берік құқықтық әрі құндылықтық негіз
қалыптастырады деп есептеймін.
Балқаш ауданының жастар белсендісі – А.Бақытова
