7 мамыр – Отан қорғаушылар күніне орай Қарой ауылдық кітапханасында «Ер есімі – ел есінде» атты ақпарат сағаты өткізілді. Мақсаты: жас ұрпаққа елін, жерін қорғаған батырлардың ерлігін насихаттау, отансүйгіштікке тәрбиелеу және тарихи тұлғаларды құрметтеуге баулу.
Шара барысында оқырмандарға қазақ халқының батырлары мен ел қорғаған ер азаматтары туралы мәліметтер беріліп, олардың ерлік істері таныстырылды.Патриоттық тақырыптағы әдебиеттер ұсынылды. Сонымен қатар, жас оқырмандар өз ойларын ортаға салып, Отан алдындағы борыш, елге қызмет ету жайында пікір алмасты. Кітапханашы жас оқырмандарға Отанды сүю, елді құрметтеу – әр азаматтың қасиетті парызы екенін түсіндіріп, Отан туралы мақал-мәтелдер жасырып, оларды табу арқылы оқырмандардың қызығушылығын арттырды.
