Бүгін Балқаш ауданының орталығы Бақанас ауылында «Жыл басы – Наурыз» атты ауқымды мерекелік іс-шара жоғары деңгейде өтті. Ұлттық нақышта безендірілген қазақ үйлер тігіліп, қонақтарға ақ дастархан жайылып, наурыз көже ұсынылды.
Мереке аясында тұрғындар мен қонақтар үшін концерттік бағдарлама ұйымдастырылып, өнерпаздар әсем ән мен күйден шашу шашты. Сонымен қатар, ұлттық спорт түрлерінен сайыстар өткізіліп, көпшілік белсенді қатысты. Ауыл орталығында жәрмеңке ұйымдастырылып, жергілікті өнімдер халық назарына ұсынылды.
Ұлыстың ұлы күні Наурыз мерекесі ауыл тұрғындарына көтеріңкі көңіл-күй сыйлап, бірлік пен ынтымақты нығайтты.
