Алматы облысының Өңірлік коммуникациялар қызметінің алаңында цифрлық активтер саласындағы заңнаманы сақтау мәселелеріне арналған баспасөз мәслихаты өтті.
Іс-шара барысында Алматы облысы бойынша Экономикалық тергеп-тексеру департаменті бастығының орынбасары Жаманбаев Әсет цифрлық активтердің заңсыз айналымының алдын алу бағытында атқарылып жатқан жұмыстар туралы баяндады.
Спикердің айтуынша, уәкілетті органдар цифрлық активтерді пайдалану кезінде заң талаптарын сақтау, қаржылық операциялардың ашықтығын қамтамасыз ету және заңбұзушылықтардың алдын алу мақсатында жүйелі бақылау жүргізіп келеді.
Сондай-ақ азаматтарға цифрлық активтермен операциялар жүргізу барысында қолданыстағы заңнама талаптарын сақтап, тек заңды түрде тіркелген және лицензияланған сервистерді пайдалану ұсынылды.
