Қазіргі таңда елімізде болып жатқан өзгерістерге бейжай қарау мүмкін емес. Референдум – әр азаматтың ел болашағына тікелей ықпал ететін маңызды қадамы. Бұл – тек саяси шара емес, ортақ жауапкершілік.
Біз, жас буын, жаңа идеялар мен жаңашыл бастамаларға дайын ұрпақпыз. Сондықтан референдум арқылы қабылданатын шешімдер елдің дамуына, әділ қоғам қалыптастыруға ықпал етеді деп сенемін. Халықтың пікірі ескерілген жерде сенім де, тұрақтылық та болады.
Жас маман ретінде мен үшін ең бастысы – кәсіби өсіп-өркендеуге мүмкіндік беретін әділ әрі ашық қоғамда өмір сүру. Референдум – сол қоғамды бірге құруға жасалған қадам. Әрқайсымыз белсенділік танытып, саналы таңдау жасасақ, еліміздің болашағы жарқын болмақ.
Біз өзгерісті күтпей, оны өзіміз бастауымыз керек. Референдум – соның айқын көрінісі.
Жазира ҚАЗБЕКҚЫЗЫ, жастар көшбасшысы.
