Мен ауылдың үлкені, талай заманды көрген ақсақал ретінде айтарым – референдум ел тағдырын айқындайтын маңызды қадам. Бұрыннан қазақ халқы ақылдасып, кеңесіп шешім қабылдаған. Хан сайласа да, дау шешсе де, көптің пікіріне жүгінген. Бүгінгі референдум – сол бабалар дәстүрінің жалғасы.
Референдум – әр азаматтың дауысы естілетін мүмкіндік. Бұл – жай ғана саяси науқан емес, ел болашағына деген жауапкершілік. Біз бірлігімізді сақтап, ынтымағымызды арттырсақ қана мемлекетіміз мықты болады.
Жастарға айтарым – елдің ертеңі сендердің қолдарыңда. Ата-баба аманатына адал болып, саналы шешім қабылдау – парыз. Тәуелсіздігімізді қадірлеп, мемлекетіміздің тұрақтылығы үшін бір жағадан бас, бір жеңнен қол шығарайық.
Референдум – елдік пен ерліктің, татулық пен тұтастықтың сыналар сәті. Халық болып ақылмен шешім қабылдайық.
Бекен ШЫБЫҚБАЕВ, ауданның Құрметті азаматы.
