“Буллинг пен сталкинг: зорлық-зомбылықсыз қоғам құру жолында” тақырыбындағы түсіндіру жұмыстарының басты мақсаты – жастар, әсіресе ұл балалар арасында жасырын зорлық түрлері туралы түсінікті арттыру, олардың зиянын түсіндіру және мұндай әрекеттердің алдын алу болып табылады.
Кездесу барысында Бақанас индустриялық аграрлық колледжі студенттеріне буллинг пен сталкингтің түрлері, оның психологиялық және құқықтық салдары, құрмет, жауапкершілік және қауіпсіз қарым-қатынас мәдениетін қалыптастыру жолдары түсіндірілді.
Сонымен қатар жастарды бір-біріне сыйластықпен қарауға, қиын жағдайға тап болған кезде көмек сұраудан қорықпауға және зорлық-зомбылықсыз орта құруға белсенді атсалысуға шақыру көзделді.
