Алматы облысының Балқаш ауданында «Таза Қазақстан – жарқын болашақ» атты ақпараттық-қорытынды іс-шара ұйымдастырылды. Іс-шара республикалық «Таза Қазақстан» бағдарламасы аясында өткізілді.
Аталған жиынның негізгі мақсаты – тұрғындар арасында экологиялық мәдениетті қалыптастыру, қоршаған ортаға жауапкершілікпен қарау қағидаттарын кеңінен насихаттау және қоғамды тазалық пен тәртіпті сақтауға жұмылдыру.
Іс-шара Балқаш аудандық әкімдігінде өтті. Кездесуге 50-ден астам адам қатысып, олардың қатарында жастар, еріктілер, қоғамдық ұйым өкілдері мен белсенді азаматтар болды. Қатысушылар экологиялық сана, табиғатты қорғау және қоршаған ортаны таза сақтау мәселелері бойынша пікір алмасты.
Шара барысында сөз сөйлеген аудан әкімінің орынбасары Алтынбаев Азамат Әскербекұлы экологиялық жауапкершіліктің қоғамдағы рөліне тоқталып, тазалық пен табиғатты аялау әрбір азаматтың азаматтық борышы екенін атап өтті.
Іс-шара соңында қатысушылар экологиялық бастамаларды қолдап, «Таза табиғат – жарқын болашақтың негізі» деген ортақ пікірге келді.
#ТазаҚазақстан #устойчивоеразвитие #чистаястрана #экология #TazaChallenge @TazaQazaqstan
