Танымал әнші Димаш Құдайбергеннің «Smoke» әні Американың Amazon және iTunes чарттарына енді, деп хабарлады Elordainfo.kz dimashnews сайтына сілтеме жасап.
30 қаңтарда трек iTunes Top 100 рейтингінде орта тұста болып, 32-ші орынға жеткен болса,Amazon-да «Best Sellers in Songs» санатында бұл ән үздік ондыққа кірді. Ал «Best Sellers in Pop» категориясында ән рейтингте бірінші орын алды.
«Smoke» әні 2024 жылдың 26 сәуірінде шыққан. Шығарманың композиторы – Димаштың өзі, мәтіннің авторлары – Кэндис Келли мен Дмитро Гордон.
Сондай-ақ Димаш Құдайберненнің «Love’s not over yet» әнінің премьерасы 7 наурызда болмақ. Оны композитор және продюсер Вальтер Афанасьев бастаған халықаралық авторлар ұжымы дайындайтын болады.