Ертеңгі ұрпақ бейбіт, әділетті, тұрақты қоғамда өмір сүрсе дейміз. Сондықтан ел дамуына бағытталған бастамаларды қолдау – біздің аналық парызымыз. Референдумға қатысу арқылы біз тек бүгінгі күн үшін емес, келешек үшін де дауыс береміз.
Отбасындағы тәрбие – қоғамның айнасы. Егер әр ана баласына елін сүюді, жауапкершілікті, бірлікті үйретсе, мемлекетіміздің іргесі де берік болмақ. Халықтың ынтымағы мен татулығы – ең үлкен байлық.
Қорытындылай келе, аналар қауымы ел болашағына бейжай қарамайды. Біз үшін әрбір шешім – балаларымыздың тағдырымен тығыз байланысты. Сондықтан референдум – тек саяси шара емес, ол – ұрпақ алдындағы аманат.
Ғалия ӘЛІПБАЕВА, аудандық аналар кеңесінің төрайымы.
