Осы аптаның сәрсенбісі күні аудан әкімдігінің мәжіліс залында аудан әкімі Ғалым Тоқпейісовтың қатысуымен аудандық мәслихаттың VІІІ шақырылым депутаттарына мандаттар тапсыру рәсімі болып өтті.
Жиын барысында аудандық аумақтық сайлау комиссиясының төрағасы Марат Ноғайбай жаңадан сайланған депутаттарға төсбелгілері мен куәліктерін табыстады.
Салтанатты шараны қорытындылаған аудан басшысы Ғалым Қасымұлы жаңадан сайланған аудандық мәслихат депутаттарын халық қалаулылары атануларымен құттықтады.
Халық пен биліктің ортасында алтын көпір болып, ел-жұртқа адал еңбек етулеріне тілектес болып, оларға зор сенімін білдірді.
Өз тілшімізден.
