ҮМІТКЕР МАҚАТАЙ ГАУХАР БАҚТИЯРҚЫЗЫНЫҢ САЙЛАУАЛДЫ БАҒДАРЛАМАСЫ
Мен Мақатай Гаухар Бақтиярқызы 1988 жылы Балқаш ауданы, Бақанас ауылында дүниеге келдім.
1995 оқу жылы мектеп табалдырығын аттап, 2006 жылы оқу орнын аяқтадым.
2006-2010 жылдар аралығында Алматы қаласындағы Т.Рысқұлов атындағы Қазақ Экономикалық университетінің «Есептеу техникасы және бағдарламалық қамтамасыз ету» мамандығы бойынша оқып білім алдым.
2010-2012 жылдар аралығында Балқаш ауданы, Бақанас ауылы АЖ «Аяна-Ару» автокөлік мектебінде бағдарламашы қызметін атқардым. 2012-2014 жылдары Балқаш ауданы, Ақдала ауылы «Ақдала ауылдық округі әкімінің аппараты» мемлекеттік мекемесінің операторы қызметінде жұмыс істедім. Ал 2014-2018 жылға дейінгі аралықта «Алматы облысының жастар ресурстық орталығы» КММ – «Балқаш ауданының жастар ресурстық орталығы» филиалының бас маманы, 2018 жылдың ақпан айынан маусым айлары аралығында «Алматы облысының жастар ресурстық орталығы» КММ – «Балқаш ауданының жастар ресурстық орталығы» филиалының жетекшісінің міндетін уақытша атқарушысы болып жұмыс атқардым. 2018 жылдың маусым айынан қараша айы аралығында «Nur Otan» партиясы Балқаш аудандық филиалының кеңесшісі, ал 2018 жылдың қараша айынан бастап бүгінгі күнге дейін «Amanat» партиясы Балқаш аудандық филиалының есеп және статистика секторының меңгерушісі қызметін атқарып келемін.
Отбасылымын, 2 баланың анасымын.
Құрметті сайлаушылар!
Басты мақсатымыз – Әділетті Жаңа Қазақстанды құру. Соның жолында көтерілетін мәселелер бойынша мен алдыма бірқатар міндеттер қойдым:
Сайлауалды бағдарламасының Жол картасын жүзеге асыру аясында 2027 жылға дейін ауданның елді мекендерінің сапалы газдандыруға үлес қосу. Бұл жеке секторды газдандыру мәселесі де бүгінгі таңда өзекті болып отырған ауданымыздың экологиялық мәселелерін шешуге мүмкіндік береді.
2026 жылы Желтораңғы ауылына, 2027 жылы Ақжар, Топар, ауылындарына қайырымдылық көмек көрсету, мүмкіндігі шектеулі қарт адамдарға әлеуметтік қолдау көрсету салаларында волонтерлік қозғалысты дамыту және т.б. 1 волонтерлық топ құру;
Ауданымыздың жастарына төменгі пайызбен несие алып өз кәсіпкерлігін дамытуға ықпал етемін;
Ауыл тұрғындарының адам өмірін қамтамасыз етуге арналған демалыс орындары, сауда нүктелері, қызмет көрсету кәсіпорындары (ателье, шаштараз) және басқа да көптеген мәселелер салу мәселелерін шешу қажет.
Ақжар, Аралтөбе ауылдарында фельд-шерлік-акушерлік нүктесінің құрылысының басталуына жұмыс жүргіземін;
Желтораңғы ауылында су құбыры желілерін қалпына келтіру, құрылыс жұмыстарын үнемі назарда ұстау.
Жоғарыда аталған барлық мәселелердің шешімін Балқаш ауданының дамыту жоспарын одан әрі жүзеге асырумен әзірлеуден көремін.
Мен де өз елімнің нағыз патриоты ретінде Қазақстанда сыбайлас жемқорлықтың кез келген көріністеріне «мүлдем» төзбеушілік атмосферасын құруға және оның деңгейін төмендетуге көмектесемін, халқымыздың бірлігі мен ынтымағын нығайтуға күш саламын.
Тұрғындарының әл-ауқаты мен өмір сүру сапасын айтарлықтай жақсарту бойынша алға қойылған міндеттерді шешу үшін сайлауға барамын.
