ҮМІТКЕР ДЕҢГЕЛБАЕВ ЕРДОС ӘДІЛҰЛЫНЫҢ САЙЛАУАЛДЫ БАҒДАРЛАМАСЫ
Мен Денгелбаев Ердос Әділұлы Алматы облысы, Іле ауданы, Ақши ауылында 1983 жылы дүниеге келдім.
Алматы қаласындағы Әл-Фараби атындағы Қазақ ұлттық университетін 2005 жылы инженер-гидроэколог мамандығы, ал Аймақтық әлеуметтік-инновациялық университетін 2020 жылы құқықтану мамандығы бойынша оқып бітірдім.
Алғашқы еңбек жолымды «Астана қаласының Қазгидромет» РМК инженер гидролог лауазымы бойынша 2005-2006 жылдар аралығында бастадым.
2007-2009 жж. Алматы қаласы «Бостандық ауданының ХҚО РМК» инспекторы, 2009-2010 жж. ГКП в/х «Балқаширригация» учаскесінің басшысы лауазымы бойынша қызмет атқардым.
2010-2019 жж. «Балқаш-Алакөл бассейндік инспекциясы» РМУ – бас маманы болып жұмыс жасасам, ал 2019 жылдан қазіргі таңға дейін «Интергаз Орталық Азия» АҚ – жанармай құю станцияларының операторы жұмысындамын.
Отбасылымын, 1 баланың әкесімін.
Құрметті сайлаушылар!
Басты мақсатымыз – Әділетті Жаңа Қазақстанды құру жолында мен алдыма бірқатар міндеттер қойдым, олардың шешімін аудандық мәслихаттың депутаты ретіндегі қызметіме бағыттайтын боламын.
Балқаш ауданы бойынша Сайлауалды бағдарламасының жүзеге асыру аясында 2027 жылға дейін ауданның елдімекендерінің сапалы газдандыруға үлес қосу. Осы бағытта мердігер ұйымдардың, пайдаланушы компания инспекторларының осы ауданның тұрғындарымен техникалық - шарттарды алу, халықтың әлеуметтік осал топтарына мемлекет тарапынан көрсетілетін түрлі жеңілдіктерді алу мәселелерін түсіндіру үшін кездесулер өткізу. Газ тарату жүйесіне қосу кезінде қауіпсіздікті қамтамасыз ету. Бұл жеке секторды газдандыру мәселесі де бүгінгі таңда өзекті болып отырған ауданымыздың экологиялық мәселелерін шешуге мүмкіндік береді.
2023 жылы Ақдала ауылына қайы-рымдылық көмек көрсету, мүмкіндігі шектеулі қарт адамдарға әлеуметтік қолдау көрсету салаларында волонтерлік қозғалысты дамыту және 1 топ құру.
2025 жылға дейін ІТ кабинетін Ақдала ауылына орналастыру; Жолдардың барлық түрлерін және олардағы қауіпсіздікті, көшелерді жарықтандыруды жақсарту;
Балқаш ауданында адам өмірін қам-тамасыз етуге арналған әлеуметтік инфрақұрылым объектілерінің болмауына байланысты медициналық ұйымдарды (емханалар, ауруханалар), демалыс орындары, сауда нүктелері, қоғамдық тамақтандыру объектілерін, қызмет көрсету кәсіпорындарын салу мәселелерін шешу қажет және басқа да көптеген мәселелер.
ІТ кабинетін Бура ауылына 2026 жылға дейін орнату;
Ақдала ауылына 2024 жылға дейін медициналық мекемелердің құрылысын бастау;
2027 жылға дейін Үшжарма, Бура ауылдарында медициналық мекемелердің құрылысын бастау;
Жоғарыда аталған барлық мәселелердің шешімін Балқаш ауданын дамыту жоспарын одан әрі жүзеге асырумен әзірлеуден көремін.
Мен де өз елімнің нағыз патриоты ретінде Қазақстанда сыбайлас жемқорлықтың кез келген көріністеріне «мүлдем» төзбеушілік атмосферасын құруға және оның деңгейін төмендетуге көмектесемін, халқымыздың бірлігі мен ынтымағын нығайтуға күш саламын.
