Алматы облысының мә-дениет, архивтер және құжаттама басқармасы Қазақтың қаһарман қолбасшысы Қаракерей Қабанбай батырдың 330 жылдығына арналған «Дарабоз батыр - Қабанбай» атты республикалық жазба ақындар мүшәйрасын ұйымдастырады.
Мүшәйра 2022 жылдың тамыз-қыркүйек айларында Талдықорған қаласында өтеді.
Мүшәйраның мақсаты:
- Қазақ тілінің көркемдік ерекшелігін, бай сөздік қорын насихаттау, күллі қазақ халқына қауіп төнген ХVIII ғасырда ел қорғаған ерлердің бірі - Қазақтың қаһарман қолбасшысы Қаракерей Қабанбайдың батырлығын насихаттау арқылы еліміздің рухани бірлігін нығайту;
- Хан батыр атанған Қаракерей Қабанбайдың артында қалдырған ерен ерлігін, батырлығын насихаттап, жаңғыртып, жаңаша дамытуға жол ашу;
- Қазақ еліндегі батырлықтың, ақындықтың, даналықтың төресіне айналған батырлардың өнегелі өмірін дәріптеп, ел аузында сақталған өзіне тән ерекшеліктерін әспеттеп, әсерлі жеткізуі;
- Ел арасындағы таланттарды іздеу, олардың шығармашылық ізденісіне дәнекер болу.
Мүшәйра тақырыбы:
1. Қаракерей Қабанбайға арнау (1 өлең – 15-20 шумаққа дейін, поэма –50 шумаққа дейін).
Мүшәйраның талаптары:
Ақындар, өз шығармаларында баба рухын асқақтатар батырлықты жырлау, елін, жерін сүюге шақыру, отансүйгіштік қасиеттерді жастар бойына ұялату.
Мүшәйраның шарттары:
Мүшәйра ашық түрде өткізіледі. Өлең-жырлар 2022 жылдың 1 сәуірінен мамыр айының 31-не дейін қабылданады. Ақындардың жасына шек қойылмайды.
Байқауға келіп түскен өлеңдер алдын ала қазылар алқасының талқылауынан өтіп, іріктеледі.
Сұрыптаудан өткен өлеңдер ғана республикалық ақындар мүшәйрасына ұсынылады. Мү-шәйраның жүлде қоры «Нақ-Бірлік» қоғамдық қоры арқылы атқарылады. Мүшәйра өлеңдерін жинақтап, кітап етіп шығару облыстық мәдениет, архивтер және құжаттама басқармасы арқылы шығарылады.
Жеңімпаздарды марапаттау рәсімі Қаракерей Қабанбай батырдың 330 жылдығына арналған ғылыми-тәжірибелік конференция өтетін күні жүргізіледі, жүлдегер ақындарға алдын ала хабарланады.
Марапаттау сәтінде жүлделі орындарға ие болған өлең авторлары өз шығармаларын мәнерлеп оқуға және жатқа оқуларына мүмкіндік беріледі.
Мүшәйраға қатысатын өлең-нің бір данасын және жеке суретін төменде көрсетілген электронды поштаға жіберу қажет. Автор өзі туралы толық мәліметті қосымшадағы өтінімде көрсетуі керек.
Жүлде қоры:
Бас жүлде – 1
Бірінші орын – 1
Екінші орын – 1
Үшінші орын – 1
Ынталандыру – 3
Тапсырылатын құжаттар:
• үлгі бойынша өтінім;
• заңды түрде расталған төлқұжатының көшірмесі;
• қатысушының 10 х 15 түрлі-түсті фотосуреті;
Қосымша анықтамалар алу үшiн мына мекен-жайға хабарласу қажет:
С.Сейфуллин атындағы Алматы облыстық әмбебап кітап-ханасы Талдықорған қаласы, Назарбаев даңғ, 91/99.
Байланыс телефондары:
8 (7282) 24-74-67; 24-11-23.
Электрондық пошта: bibl-biblio@mail.ru
Қазақтың қаһарман қолбас-шысы Қаракерей Қабанбай батырдың 330 жылдығына арналған «Дарабоз батыр - Қабанбай» атты республикалық жазба ақындар мүшәйрасына өтінім.
Баспаға ұсынған: аудандық Орталық кітапхана.
