Президенттің Жолдауында ерекше қажеттіліктері бар балаларды қолдау, оларға тең мүмкіндік жасау және инклюзивті білім беруді дамыту мәселесінің көтерілуі – маңызды әрі өзекті бастама.
Менің ойымша, әрбір баланың сапалы білім алуға, медициналық және әлеуметтік көмекке қол жеткізуге құқығы бар. Сондықтан оңалту орталықтарын барлық облыстарда және ірі аудан
орталықтарында ашу, арнайы мамандардың көмегін қолжетімді ету – балалардың болашағы үшін жасалған маңызды қадам. Ең бастысы, ерекше қажеттіліктері бар балаларға көрсетілетін
қолдау нақты нәтижесін беріп, олардың қоғамға бейімделуіне және өз қабілеттерін дамытуына мүмкіндік жасауы керек. Әр балаға тең мүмкіндік беру – әділетті әрі мейірімді қоғам
қалыптастырудың негізі.
Күмісбек Ербаев,журналист.
