Алматы облысы Полиция департаментінің Балқаш ауданы полиция бөлімінде полиция қызметіне қызығушылық танытқан кандидаттарға арналған «Полиция қызметкерімен бір күн» акциясы ұйымдастырылды.
Акцияның мақсаты – кандидаттарды полиция бөлімінің жұмысымен жақынырақ таныстыру, қызметтің негізгі бағыттары мен ерекшеліктерін көрсету, сондай-ақ болашақ мамандарға құқық қорғау органдарындағы қызметтің жауапкершілігі мен маңызын түсіндіру.
Іс-шара барысында кандидаттар бөлімшенің күнделікті жұмысымен танысып, полиция қызметкерлерінің міндеттері мен қызметтік тәртібі туралы мәлімет алды.
Мұндай кездесулер жастардың полиция қызметіне деген қызығушылығын арттырып, болашақ мамандықты саналы түрде таңдауға мүмкіндік береді.
Полиция қызметі – тәртіп пен жауапкершілікті таңдаған жандардың жолы!
