Еліміздің болашағына әсер ететін маңызды шешімдердің бірі – референдум. Бұл – халықтың өз пікірін білдіріп, ел тағдырына қатысты мәселелерге тікелей қатысуына мүмкіндік беретін демократиялық қадам. Осындай маңызды сәтте әрбір азаматтың, соның ішінде аналардың да орны ерекше.
Ана – отбасының ұйытқысы, ұрпақ тәрбиесінің негізі. Біз балаларымыздың жарқын болашағын қалаймыз. Сол себепті елдің ертеңіне әсер ететін маңызды бастамаларға бейжай қарамай, өз таңдауымызды жасау – азаматтық борышымыз. Референдум – тек саяси шара ғана емес, ол болашақ ұрпақтың өміріне ықпал ететін маңызды шешім.
Ғалия ЖҮСІПОВА, көпбалалы ана.
