Еліміздің даму жолында маңызды саяси қадамдардың бірі – референдум. Бұл – халықтың өз пікірін ашық білдіріп, ел тағдырына қатысты маңызды шешімдерді қабылдауға тікелей қатысатын демократиялық тетік.
Ауыл ақсақалы ретінде мен үшін де, ауыл тұрғындары үшін де референдумның маңызы ерекше.
Бабаларымыз «Кеңесіп пішкен тон келте болмайды» деп бекер айтпаған. Халық болып ақылдасып, ортақ шешім қабылдау – ежелден келе жатқан дәстүріміз. Референдум да сол дәстүрдің заманауи көрінісі іспетті. Әр азаматтың дауысы – ел болашағына қосылған үлес.
Ақынбек СТАНБЕКОВ, ауыл қариясы.
