Референдум – халықтың өз болашағына қатысты маңызды шешімдерді қабылдауға тікелей қатысуының айқын көрінісі. Бұл – ел азаматтарының пікірін білдіріп, мемлекет дамуына үлес қосатын маңызды демократиялық құрал. Қоғам белсендісі ретінде мен референдумның маңызы ерекше деп санаймын.
Қоғамның дамуы әрбір азаматтың белсенділігіне байланысты. Референдум – халық пен биліктің арасындағы ашық диалогтың бір көрінісі. Әрбір адам өз дауысын беру арқылы елдегі маңызды өзгерістерге ықпал етеді. Сондықтан мұндай тарихи сәттерде бейжай қалмай, азаматтық ұстанымымызды білдіру – ортақ міндет.
Бүгінде елімізде қоғамдық пікір мен азаматтық жауапкершілік артып келеді. Бұл – қоғамның саяси мәдениетінің өсіп келе жатқанын көрсетеді. Қоғам белсенділері ретінде біз халыққа түсіндіру жұмыстарын жүргізіп, елдің болашағына қатысты бастамаларға қолдау білдіруіміз керек.
Референдум – тек дауыс беру ғана емес, ол – елдің ертеңіне деген сенім мен жауапкершіліктің белгісі. Сондықтан әрбір азамат белсенділік танытып, ел болашағы үшін маңызды шешімдерге қатысуы қажет.
Ел тағдырына бейжай қарамай, ортақ іске үлес қосу – әрқайсымыздың азаматтық борышымыз.
Гүлзат СӘЛІМЖАНОВА, қоғам белсендісі.
