1 наурыз – Алғыс айту күніне орай аудандық мәдениет үйінің өнерпаздары аудан аумағындағы бірқатар
мекемелерді аралап, қызметкерлерге ән арқылы алғыс білдірді.
Іс-шара барысында өнерпаздар түрлі ұйымдар мен мекемелерге арнайы барып, мерекелік әндер орындап,
жылы лебіздерін жеткізді. Олар өз еңбегімен ел дамуына үлес қосып жүрген азаматтарға ризашылықтарын
білдіріп, алғыс сөздерін арнады.
Мерекелік кездесу ұжымдарға көтеріңкі көңіл күй сыйлап, өзара сыйластық пен ынтымақтастықты нығайтуға
ықпал етті. Алғыс айту күні – қоғамдағы бірлік пен татулықты дәріптейтін, ризашылық пен құрметті арттыратын
маңызды мереке екені тағы да айқындалды.
