Президенттің айтуынша, азаматтарымыз да бұл мәселеге жауапкершілікпен
қарауы керек.
– Электр қуаты, жылу және су – тұрмысқа аса қажетті игіліктер. Соның бәрін
үнемдеп, ақылмен пайдаланған абзал. Жалпы, бұл – тұтас экономикаға ортақ талап.
Ысырапшылдыққа жол беруге болмайды. Халқымыз «Үнемшілдік – ырыстың кілті» деп
бекер айтпаған. Біз осы қасиетті ұлттық дағдымыз етіп, қоғамда мүлдем жаңа мәдениет
қалыптастыруымыз керек. Сіздердің қажырлы қызметтеріңіз – еліміздің энергетикалық
дербестігінің мызғымас кепілі. Әділетті, Таза, Қуатты Қазақстанда өздеріңіз сияқты еңбек
адамдары ең жоғары сый-құрметке лайық, – деді Мемлекет басшысы.
