Қазақстандық бітімгерлер өздерінің әскери және азаматтық борышын абыроймен атқара отырып, қақтығыс аймақтарында бейбітшілік пен тұрақтылықты қамтамасыз етуге үлес қосып келеді.
Олар халықаралық қауіпсіздікті нығайтып, еліміздің әлемдік аренадағы беделін арттыруға қызмет етуде. Ұлттық контингент атынан Сирияда бітімгерлік миссияны орындап жүрген штаб-сержант Асылхан Дулатов отандастарын мерекемен құттықтады. Ол Тәуелсіздік күні – халқымыздың егемендігі мен бірлігінің, күш-қуатының, ұлттық құндылықтарға адалдығының және ел болашағы үшін жауапкершіліктің символы екенін атап өтті.
