Балқаш ауданы жастар ресурстық орталығының ұйымдастыруымен 2025 жылғы 8 тамыз күні Ақдала ауылдық мәдениет үйінде «Жастар мен мемлекет: ашық диалог!» -тақырыбында аудан әкімінің жастармен кездесуі өтті.
Кездесуге ауылдық округ әкімдері, аудандық мекеме басшылары, аудандық қорғаныс істері жөніндегі бөлімінің өкілдері және ҚР ҰҚК Шекара қызметінің өкілі, майор - Тимур Николаевич Алиякбаров арнайы келіп қатысты.
Шара барысында ауданның белсенді жастары аудан әкімінің алғыс хатымен марапатталды. Сонымен қатар жастардың ұсыныстары тыңдалып, түрлі салалар бойынша өзекті мәселелер талқыланды.
Кездесуге арнайы келген ҚР Ұлттық Қауіпсіздік Комитеті Шекара қызметінің өкілі, майор - Тимур Николаевич Алиякбаров жастарға әскери қызметтің маңызы, әскерге шақырылу тәртібі мен талаптары туралы ақпарат беріп, Отан алдындағы борышты өтеудің патриоттық мәнін атап өтті.
Кездесу соңында қатысушылар патриоттық құндылықтарды нығайту, қоғам өміріне белсенді қатысу және туған жердің дамуына үлес қосу жөнінде ой бөлісті.
