Осы аптаның жұмасы күні аудан орталығындағы Ресей батыры, Қазақстанның Халық қаһарманы Б.Бейсекбаев атындағы мектеп – гимназиясына батыр бабамыздың атына арнайы сынып бөлмесі беріліп, салтанатты түрде аш-ылды.
Ұлы Отан соғысының ал-ғашқы күндері жау жасағын талқандап, ерен ерліктің үлгісін көрсеткен батыр бабамыздың ерлігі ұлықталған іс-шараға аудан әкімі Азат Құтпанбетов, аудандық Ардагерлер кеңесінің төрағасы Бақыт Сқабаев, аудандық мәслихат төрағасы Кәдірбек Омаров, аудандық мекеме – ұйымдардың басшылары, ардагер ұстаздар қатысты.
Салтанатты шарада аталмыш білім шаңырағының оқушылары майдан даласында ерлікпен қаза тапқан бабамыз жайында өлең шумақтарын жатқа орындап, жиналған көп-шіліктің ризашылығына бөленді.
Мұнан соң жиналған көпшілік мектеп ауласында бой көтерген Бақтыораз Бейсекбаевтың ескерткішіне гүл шоқтарын қойып, батыр рухына тағзым жасады.
Келесі кезекте білім шаңырағының екінші қабатынан батыр есімі берілген сынып бөлмесінің лентасы салтанатты түрде кесіліп, жайдарман жаңалыққа куә болып тұрған қонақтар сынып бөлмесіне кіріп, қуаныштан шашу шашып, мәре – сәре болды.
Ержүрек бабамыздың суреті бейнеленген сынып бөлмесінде мектеп оқушылары алдымен қазақ тілі, орыс тілі және ағылшын тілдерінде Бақтыораз Бейсекбаевтың сұрапыл соғыс жылдарындағы ерлігі жайында қысқаша мәлімдеме жасады.
Қуанышқа ортақтасқан көпшілік алдында сөз кезегін алған аудан басшысы Азат Үкітайұлы осындай игі бастаманы қолға алып, ұйымдастырып жатқан мектеп басшысы Альвира Манатқызына ризашылығын білдіріп, сынып бөлмесінің заманауи жабдықталуына де-меушілік көрсеткен Алматы облысының Құрметті азаматы Әбдіжаппар Қыстаубаевқа, ауданның Құрметті азаматы Мұратбек Бейсебековке және Бақытжан Қамзинге аудан халқы атынан алғыс білдіріп, батыр бабамыздың қан майданда жасаған ерлігіне қысқаша тоқталып өтті.
Сонымен қатар аудандық Ардагерлер кеңесінің төраға-сы Бақыт Сқабаев, сынып бөлмесіне демеушілік көрсеткен азаматтар атынан сөз алған Бақытжан Қамзин Бақтыораз атамыздың ерлігі қаншама жылдар өтсе де ұмы-тылмай ұрпақтан – ұрпаққа ұлықтала беретіндігі жөнінде әңгіме өрбітті.
Сынып бөлмесінің ашылу салтанатынан кейін құрметті қонақтар оқушылардың ғы-лыми жобалары мен танысып, олардың білім кеңістігінде бағындырған биік белестеріне куә болып, арнайы дайындалған концерттік бағдарламаны тамашалады.
Концерттік бағдарлама аяқталғаннан кейін Халық қаһарманының рухына Құр-ан кәрім бағышталып, ас берілді. Ас дастарханында бас қосқан аудан тұрғындары, құрметті қонақтар және марқұмның туыстары Бақтыораз Бейсекбаевтың майдан даласында ерлік жасаған тұңғыш қазақ азаматы екенін айтып, сол кездегі ерен ерлігі солақай саясаттың кесірінен ұзақ жылдар бейхабар болғаны жайында естелік әңгімелер айтылды.
Келешек ұрпақтың бейбіт өмір сүруі үшін өз жанын құрбандыққа шалып, өмірден қыршын кеткен батырдың жасаған ерлігі ешқашан ұмытылмайды. Арада қаншама жылдар өтсе де ұрпақ жадында мәңгі сақталып, ғасырлардан - ғасырларға жаңғыра беретіні ақиқат.
Бақтығали ДӘУІТБАЕВ, «Балқаш өңірі».
