Аудан орталығы Бақанаста салынып жатқан екі қабатты 4 пәтерлі 6 тұрғын үйлердің құрылыс жұмыстары қарқынды жүргізіліп жатыр. Бұлай деп сөз бастауыма арқау болғаны өткен аптаның жұмасы күні іссапарымнан түйген ойдың қорытындысы.
Қазан айында іргетасы қаланып, бүгінде құрылысы жұмыстары қарқын алған тұрғын үйлердің қазіргі таңда жасалып жатқан жұмыстарын көзбен көріп, газетке мақала жазу мақсатында құрылыс алаңына арнайы атбасын бұрдым.
Алдымен мән – жайды білу үшін тұрғын үйлер салынып жатқан құрылыс алаңың сырттай бақылап шықтым. Сонан соң құрылысшылармен тілде-суді жөн санадым.
Сапар барысында тұрғын үйлердің құрылыс жұмыстарын жүргізуді өз жауапкершілігіне алған «BC Lengthy life» ЖШС-нің директоры Жеңіс Қасымбек пен аталмыш серіктестіктің бас инженері Әлішер Қасымбеков және прорабы Лю Хы Чан есімді азаматтар сол жерде тұрғын үйлердің құрылыс сызбасына қарап, өзара жұмыс жүйесін жоспарлап тұрғандарын көрдім. Олар аудандық газеттен тілші келді дегенде атқаратын жұмыстары шаш-етектен болса да бар шаруасын кейінге ысырып, менімен емен - жарқын сұхбаттасты.
Атқан таңмен таласа тұрып, кеш қарайып батқанша тынымсыз жұмыс жасап, еңбектің қа-рақазанын қайнатып жатқан инвесторлардың айтуынша 11 қазан күні алғашқы тұрғын үйдің іргетасын қалаған. Сол күннен бастап коңыр күздің қолайсыз ауа райына қарамастан бар күш – жігер-лерін, айла – тәсілдерін салып, жұмыс қарқынын бір сәтке де аялдатпаған. Олардың алға қойған мақсаттары 20 желтоқсан күні құрылыс жұмыстарын толыққанды аяқ-тап, тұрғын үйлерді аудан әкімдігіне өткізіп, өздеріне тие-сілі қаражаттарын алу.
Әңгіме барысында «BC Lengthy life» ЖШС-нің директоры Жеңіс Рахымберліұлы тұрғын үйлердің әрқайысының жеке ауласы болатынын, табиғи газға қосылған жылыту қазан-дықтары орнатылатынын, сонымен қатар электр жарығын, ауыз су құбырын, кәріз жүйесін жүргізу жұмыстары да бірге атқарылып жатқаны жөнінде әңгіме өрбітті.
Сөз орайы келгенде Әлішер Жеңісұлы бүгінгі таңда 6 тұрғын үйлердің кірпіш қалау жұмыстарының 70 пайызы, бетон құю жұмыстарының 90 пайызы және темірлерді торлау жұмыстарының 85 пайызы орындалғанын атап өтті. Сонымен қатар ол кірпіш қалау жұмыстары аяқталған бетте тұрғын үйлердің төбесін жабу, шатырлау, сыртын қаптау, іші – сыртын сылау, есік – терезелерін орнату, әктеу, сырлау жұмыстары өз кезеңімен жасалынатынын және құрылыс заттары жеткілікті екенін сөзден іркіп қалмады.
Инвесторлар ауа – райы қолайлы болса, 20 желтоқсанда тұрғын үйлердің құрылысын толыққанды аяқтап, аудан әкімдігіне табыстайтындарына кәміл сенімді. Әрине солай болғай!
Жаңа үлгіде салынып жатқан тұрғын үйлердің құрылысы дер уақытында аяқталса, тұрғын үй кезегінде тұрған 24 отбасы бас-паналы болып, қоныс тойын тойлап, аудан тұрғындары бір қуанып қалар еді. Бұйыртса ол қуанышты сәтті көру күннің де ауылы алыс емес.
Ол жерде жұмыс жасап жүрген 47 құрылысшылардың 12-і аудан азаматтары екен. Еден құю жұмысын өз міндеттеріне алған Бақанас ауылының тұр-ғындары Нұрсұлтан Серік, Дияр Үсенбаев, Еламан Серік сынды азаматтар тұрғын үй-лердің сапалы болуына баса мән беріп, бар өнерлерін салып жұмыс жасап жатқандарын жасырмады.
Кез келген тұрғын үйлердің сапалы салынуы сол жерде еңбек етіп жүрген құрышқолды құрылысшыларға тікелей байланысты. Егерде олар «бұл тұрғын үйлерде біз тұрмаймыз ғой» деп өз міндеттеріне атүсті қараса, қаланған кірпіш пен қағылған шеге де қисайып қалады. Ал сынық кірпіш қа-ланып, қисық шеге қағылған тұрғын үйдің сәні мен сәулеті жарасады дегенге кім сенеді. Тұрғын үйлердің іргетасы бекем болмай, босағасы берік бола қоймас.
Ел игілігі үшін атқарылып жатқан әрбір істің нәтижелі болуына баса мән беріп, жауап-кершілікпен қарасақ, барлық жұмыс ойдағыдай әрі сапалы аяқталады.
Аудан тұрғындарын тұрғын үймен қамтамасыз ету мәселесін ілгерлету мақсатында тартылған инвестордың жұмысы жемісті болғаны бәріміз үшін ұтымды. Өйткені тұрғын үйлердің құрылыс жұмыстарын жүргізіп жатқан инвесторлар өз қаражаттарын жұмсап жатыр.
Бақтығали ДӘУІТБАЕВ, «Балқаш өңірі».
