23 тамыз – Құрылтай сайлауы күні Балқаш ауданындағы №101 сайлау учаскесінде Балқаш ауданы бойынша Мансап орталығының ұйымдастыруымен бос жұмыс орындары жәрмеңкесі өткізілді.
Аталған шараның мақсаты – тұрғындарға еңбек нарығындағы сұранысқа ие мамандықтар мен бос жұмыс орындары туралы ақпарат ұсынып, жұмыс іздеушілер мен жұмыс берушілер арасындағы байланысты нығайту.
Жәрмеңкеге келген азаматтарға аудан аумағындағы мекемелер мен ұйымдардағы бос жұмыс орындары таныстырылып, жұмысқа орналасу мәселелері бойынша кеңестер берілді. Сонымен қатар, мамандар жұмыспен қамту бағытындағы мемлекеттік бағдарламалар мен көрсетілетін қызметтер жөнінде түсіндірме жұмыстарын жүргізді.
Бұл бастама сайлау күні азаматтардың қоғамдық белсенділігін арттырумен қатар, тұрғындардың тұрақты жұмысқа орналасуына мүмкіндік беретін маңызды шаралардың бірі болды.
