Құрылтай сайлауы кезінде аудандық аурухана ұжымы да ел игілігіне бағытталған маңызды жұмысты жалғастырды. Медициналық қызметкерлер мобильді көшпелі медициналық орталықпен сайлау учаскелерін аралап, ауыл тұрғындарының денсаулығын тексерді.
Ақ халатты абзал жандар сайлау учаскелеріне келген азаматтарға медициналық тексеру жүргізіп, қан қысымын өлшеп, жалпы денсаулық жағдайына назар аударды. Қажет болған жағдайда тұрғындарға тиісті кеңестер беріліп, денсаулыққа жауапкершілікпен қараудың маңыздылығы түсіндірілді.
