Бүгін, 22 тамыз – көрнекті мемлекет және қоғам қайраткері Дінмұхамед Ахметұлы Қонаевтың (1912–1993) дүниеден өткен күніне орай Балқаш ауданында тағзым шарасы өтті.
Ұлы тұлғаның ата жұрты – Балқаш ауданында Дінмұхамед Қонаевтың рухына құрмет көрсетіліп, ескерткіштеріне гүл шоқтары қойылды.
Тағзым рәсіміне Балқаш ауданының әкімі Азат Құтпанбетов бастаған аудан басшылығы мен зиялы қауым өкілдері қатысты.
Дінмұхамед Ахметұлы Қонаевтың ел тарихындағы орны ерекше. Оның мемлекет дамуына қосқан елеулі үлесі мен ел игілігі жолындағы еңбегі ұрпақ жадында сақталады.
