Бүгін Спорт күніне орай Балқаш ауданының әкімі Азат Құтпанбетов ауданның спорт саласында жоғары жетістіктерге қол жеткізген жас спортшыларды, олардың жаттықтырушыларын және спорт саласының дамуына елеулі үлес қосып жүрген азаматтарды марапаттады.
Салтанатты шара барысында спорт саласының үздіктеріне “Құрмет грамоталары” мен “Алғыс хаттар” табысталды.
Аудан әкімі жиналған қауымды айтулы мерекемен құттықтап, спорттағы жетістіктер қажырлы еңбек пен табандылықтың нәтижесі екенін атап өтті. Жас спортшыларға сәттілік тілеп, биік белестерді бағындыруларына және ел намысын абыроймен қорғауларына тілектестік білдірді.
