«Қауіпсіз жол» жедел-профилактикалық іс-шарасы
2026 жылғы 11–16 шілде аралығында Балқаш ауданы аумағында «Қауіпсіз жол» жедел-профилактикалық іс-шарасы өткізілуде.
Іс-шараның негізгі мақсаты – жол-көлік оқиғаларының алдын алу, жол қозғалысы ережелерінің сақталуын қамтамасыз ету және жол қозғалысына қатысушылардың қауіпсіздігін арттыру.
Осы кезеңде полиция қызметкерлері:
✅ жол қозғалысы ережелерін өрескел бұзу деректерін анықтайды;
✅ мас күйінде көлік құралын басқару, жылдамдықты асыру, қарсы қозғалыс жолағына шығу, қауіпсіздік белдігін тақпау және көлік жүргізу кезінде ұялы телефонды пайдалану фактілеріне ерекше назар аударады;
✅ профилактикалық түсіндіру жұмыстарын жүргізеді.
Балқаш аудандық полиция бөлімі барлық жүргізушілер мен жаяу жүргіншілерді жол қозғалысы ережелерін қатаң сақтауға, өз өмірі мен өзгелердің қауіпсіздігіне жауапкершілікпен қарауға шақырады.
Жол ережесін сақтау – адам өмірін сақтаудың басты кепілі!
