Бүгін Балқаш ауданының мансап орталығының ұйымдастыруымен «Жаңа Конституция: Мансап орталықтары қызметіндегі құқықтық реформалар» тақырыбында жиын ұйымдастырылды.
Іс-шараға Жастар ресурстық орталығы мен аудандық полиция бөлімінің өкілдері қатысты.
Талқыланған негізгі мәселелер:
- Жаңа Конституциядағы басты өзгерістер мен толықтырулар;
- Мансап орталықтарының қызметіндегі құқықтық реформалардың маңызы;
- Еңбек нарығын дамыту және халықты жұмыспен қамту саласындағы заңнамалық жаңалықтар.
Жиын барысында қатысушылар өзекті сұрақтарына жауап алып, өзара пікір алмасты. Басқосу қорытындысы бойынша алдағы уақытта тұрғындар арасында құқықтық түсіндіру жұмыстарын барынша күшейту туралы шешім қабылданды.
