Референдум – ел өміріндегі маңызды шешімдерді халықтың тікелей дауыс беруі арқылы қабылдаудың тиімді тетігі. Бұл – демократиялық қоғамның басты қағидаларының бірі. Азаматтар өз болашағына қатысты өз пікірін білдіріп, мемлекет дамуының бағытын айқындауға қатысады.
Тәуелсіз Қазақстан тарихында референдум ерекше орын алады. 1995 жылы бүкілхалықтық референдум арқылы Қазақстан Республикасының Конституциясы қабылданып, елдің құқықтық негізі бекітілді. Бұл құжат мемлекетіміздің тұрақтылығы мен заң үстемдігін қамтамасыз ететін басты құндылыққа айналды.
Референдум – тек саяси науқан емес, ол – азаматтық жауапкершілік мектебі. Әрбір дауыс ел тағдырына әсер ететінін түсіну маңызды. Сондықтан референдумға қатысу – әр қазақстандықтың азаматтық парызы.
Бүгінгі таңда қоғамның әр саласында өзгерістер мен жаңашыл бастамалар жүзеге асуда. Осындай кезеңде халықтың ортақ шешімі ел бірлігін нығайтып, болашаққа сенімді қадам жасауға мүмкіндік береді. Референдум – татулық пен тұрақтылықтың кепілі, халық пен билік арасындағы сенімді байланыстың айғағы.
Қорытындылай келе, референдум – ел болашағына бейжай қарамайтын әр азаматтың таңдауы. Халықтың үні ескерілген жерде әділдік пен даму жолы айқын болмақ.
Айдана АЛТЫНБЕКОВА, қоғам белсендісі.
