Белсенді азаматтардың айтуынша, референдумға қатысу – тек құқық қана емес, әрбір қазақстандықтың азаматтық міндеті. Өйткені бүгін қабылданған шешімдер ертеңгі ұрпақтың өміріне де әсер етеді. Сондықтан қоғам белсенділері тұрғындарды бейжай қалмай, ел тағдырына бей-жай қарамауға шақырады.
– Референдум – халықтың үні. Әрбір азаматтың дауысы маңызды. Біз қоғам мүшелері ретінде ел болашағына жауапкершілікпен қарап, өз таңдауымызды жасауымыз керек, – дейді қоғам белсенділері.
Референдум – халықтың пікірін айқындайтын маңызды саяси құрал. Елдің ертеңі үшін әрбір азамат белсенділік танытып, қоғамдық өмірге атсалысса, мемлекетіміздің дамуы да қарқынды болары сөзсіз.
Айдана АЛТЫНБЕКОВА, қоғам белсендісі.
