Бүгін Мемлекет басшысы Қасым-Жомарт Тоқаев Қазақстан халқына өзінің Жолдауын арнады.
Жолдауда Президент көтерген мәселелер – барлығымыздың күнделікті өмірімізге тікелей қатысты. Халықтың әл-ауқатын жақсарту, жаңа жұмыс орындарын ашу, әділетті Қазақстанды құру, білім мен ғылымды қолдау, ауылды дамыту, экологиялық қауіпсіздікті қамтамасыз ету – барлығы да мемлекет дамуының жаңа кезеңін білдіреді.
Жолдауда жастарға ерекше көңіл бөлініп, олардың сапалы білім алып, жаңа технологияларды игеруіне, кәсіпкерлікпен айналысуына жағдай жасау қажеттілігі атап өтті. Бұл – болашағымыздың кепілі. Сонымен қатар, денсаулық сақтау саласын жетілдіру, халықты қолжетімді тұрғын үймен қамтамасыз ету, өңірлерді дамыту мәселелері де нақты шешімін табатын болды.
Президент Жолдауы – еліміздің бірлігі мен тұрақтылығының, халықтың әл-ауқатының артуына бағытталған нақты іс-шаралар жиынтығы. Әрбір қазақстандық осы бастамаларды қолдап, жүзеге асыруға өз үлесін қосса, еліміз жаңа белестерді бағындыратынына сенім мол.
Дана халқымызда «Бірлік бар жерде – тірлік бар» деген қанатты сөз бар. Сондықтан Жолдауда белгіленген мақсаттарды бірге орындап, Жаңа Қазақстанды бірге құрайық!
Күмісбек ЕРБАЕВ, «Балқаш өңірі» газетінің директор-бас редакторы.
