Балқаш ауданында мемле-кеттік тілдің мәртебесін арттыру мақсатында мазмұнды да маңызға толы семинар-тренинг өтті. Алматы облысының «Тіл» оқу-әдістемелік орталығы КММ Балқаш аудандық филиалының ұйымдастыруымен өткен шара «Бірге ме, бөлек пе?» деген атаумен қазақ тілінің орфографиялық ережелерін түсіндіруге бағытталды.
Семинар-тренингке Жас-тар ресурстық орталығының қызметкерлері қатысып, орфо-графияға қатысты маңызды мә-ліметтермен танысты.
Семинар барысында қаты-сушылар қазақ тілінің емле ережелері бойынша жаңа әрі маңызды мәліметтерді тыңдап, теориялық білімдерін тәжірибе арқылы бекітуге мүмкіндік алды. Орфографиялық норма-ларға байланысты практикалық тапсырмалар мен мысалдар арқылы қатысушылар өзара пікір алмасып, білімдерін нақ-тылады.
Одан бөлек, шара сергіту және белсенділік мақсатында түрлі қызықты ойындармен толықтырылды:
«Ментальді байланыс», «Сұрақ-жауап», «Кім жылдам?» сынды интеллектуалдық ойындар қатысушылардың қызығушылығын оятып, тіл үйренуге деген ынтасын арттырды.
Іс-шара соңында көңілді караоке ұйымдастырылып, жас-тар серігіп, еркін пікір алмасуына жағдай жасалды.
Мұндай игі бастамалар мемлекеттік тілдің беделін арттыруға және жастардың сауатты жазу дағдысын қалып-тастыруға бағытталған тиімді құрал екені сөзсіз. «Бірге ме, бөлек пе?» атты семинар – тіл үйрету мен ой-санаға әсер етудің үйлесімді үлгісі бола білді.
Гүлшат БЕРІКБАЙ, Алматы облысының «Тіл» оқу-әдістемелік орталығы КММ Балқаш аудандық филиалының меңгерушісі.
