Осы аптаның бейсенбісі күні аудан әкімі Азат Құтпанбетов облыстық бұқаралық ақпарат құралдары өкілдерін арнайы шақырып, олардың қатысуымен аудан көлемінде атқарылып жатқан бірқатар ауқымды жұмыстарды көрсетіп, жайдарман жаңалықтармен бөлісіп, сұхбат берді.
Ауданымызға арнайы іссапармен келген журналистер қауымы алдымен «Таза Қазақстан» Республикалық экологиялық акция аясында Бақанас ауылында орналасқан «Сүндетбай болыс» атындағы саябаққа ағаш көшеттерін от-ырғызу жұмыстарынан бастады.
Аудан көлемінде ұйымдастырылған сенбілікке аудандық мекеме – ұйымдардың қызметкерлері, мектеп ұстаздары, Қоғамдық ұйым өкілдері қа-тысып, саябақ ішіне ағаш көшеттерін отырғызды.
«Таза Қазақстан» Республи-калық экологиялық акция аясында ұйымдастырылған сенбіліктің ашылу салтанатында сөз сөйлеген аудан басшысы аталмыш акция аясында аудан көлемінде атқарылған жұмыстарға баса тоқталып, биылғы жылға жоспарланған бірқатар ауқымды шараларды атап өтті.
Келесі кезекте сөз алған аудандық Ардагерлер кеңесінің төрағасы Бақыт Сқабаев аудан көлеміндегі барлық саябақтарға ағаш көшеттерін отырғызу жақсы бастама екенін тілге тиек етіп, шараға қатысушыларға табиғатты таза ұстауға ақыл – кеңесін айтып, сәттілік тілесе, ауданның Құрметті азаматы Айтжан Есімов өзінің жүрекжарды тілеген арнап, ақ батасын берді.
Шара барысында журналистер қауымына сұхбат берген аудан басшысы аграрлы ауданымыздың негізгі саласы мал шаруашылығының дамуы жайында әңгіме өрбітіп, мал тұқымын асылдандыру, мал басын көбейту бойынша атқарылып жатқан жұмыстарға баса тоқталып «Ауыл аманаты» мемлекеттік бағдарлама аясында аудан көлемінде қанша адамның жеңілдетілген несиелерге қол жеткізіп, олардың тиісті қаражаттарын қолдарына алып, өз шаруашылықтарын дөңгелетіп жатқанын баяндады.
Сонымен қатар егін шаруа-шылығының бүгінгі жай-күйіне кеңінен тоқталып, егістік алқаптардағы су тапшылығы мәселесі бойынша Іле өзенінен су бөлінетін «Тасмұрын» магистралды каналының бастапқы сағасына 5-ші және 6-шы бұрандалы бөгет орнату, сондай-ақ Іле өзенінің сағасын қазу, егістік алқаптарға су тарататын каналдарға тазалау жұмыстарын жүргізу жоспарда бар екенін айтты. Сондай – ақ бүгінгі таңда аудан диқаншыларының арпа – бидай егу жұмыстарын атқарып жатқанын және олардың жоспарланған егіс алқабының қанша гектарына дәнді дақылдарды сіңіріп, көктемгі дала жұмыстарының қарқын алып жатқанын және егін егумен тұрақты айналысатын шаруашылықтар мемлекет тарапынан арзандатылған жанар - жағар май мен тыңайтқыштарға қол жеткізгендерін сөзден іркіп қалмады.
Сөз орайы келгенде Азат Үкітайұлы Іле өзенінен бөлініп шығатын өзендердің сағаларына механикалық тазалау жұмыстары жасалынғанын және бұл жұмыстар алдағы күндері өз жалғасын таба беретінін және жол жөндеу, білім шаңырақтарына күрделі жұмыстар жүргізу, аудан көлеміндегі барлық елдімекендерді ауызсумен қамту, ауыл көшелеріне тас жолдар салу, түңгі жарықтар орнату, тазалық айлықтарында сенбіліктер ұйымдастыру, баспанасыз жүрген отбасыларды тұрғын үйлермен қамтамасыз ету мәселелерін толық қамтып шықты.
Мұнан соң жиналған көпшілік Бақанас ауылынан бой көтеріп, құрылыс жұмыстары толық аяқталған 4 пәтерлі 6 тұрғын үйлердің ашылу салтанатын тамашалады.
Аудан халқының шат – шадыман қуанышты сәттерімен құттықтаған аудан әкімі Азат Құтпанбетов аудан көлемінде тұрғын үй кезегінде тұрған отбасыларға пәтер кілтін табыстаудан артық қуанышты сәт болмайтынын айта келе, ауыл ажарына көрік беріп тұрған жаңа тұрғын үйлердің құрылыс жұмыстарын сапалы етіп жасаған «BC Lengthy Life» ЖШС-тің директоры Жеңіс Рахымберліұлына аудан халқы атынан алғыс білдірсе, аудандық Ардагерлер кеңесінің төрағасы Бақыт Сқабайұлы ақ батасын берді.
Салтанатты шараның ең есте қалар сәтті тұрғын үй иелеріне баспана кілтін табыс-тау кезеңі болды. Өйткені бұл тұрғын үй кезегінде тұрған пәтер иелерінің көптен күткен қуаныштары. Шара соңында тұрғын үйлердің лентасы салтанатты түрде кесіліп, әжелер қауымы шашу шашып, жиналған көпшілік мәре – сәре болып, қоныс тойын тойлаған пәтер иелеріне құтты болсын айтушылардың қатары арта түсті.
Мерекелік шарадан кейін «Таза Қазақстан» Республи-калық экологиялық акциясы Іле өзенінің жағалауында өз жалғасын тапты. Мұнда да аталмыш акцияның ашылу салтанаты болып, аудан басшысы аудан көлемінде атқарылатын тазалақ жұмыстарына қысқаша тоқталып «Тазалық денсаулық кепілі» деген қанатты сөзді негізге алып, аудан тұрғында-рына туған өлкеміздің тазалығы басты байлығымыз екенін атап өтті.
«Таза болса табиғат, аман болар адамзат» деген ұранды басты назарға алған аудан тұрғындары Іле өзенінің Бақанас ауылына тұспа- тұс жағалауындағы күл – қоқыстарды және тұрмыстық қалдық заттарды арнайы жабдықталған техникаларға тиеп, қоқыс төгуге белгіленген орындарға жөнелтілді.
Бұл шарада белсенділік көрсеткен Іле – Балқаш табиғи резерватының жастар қауымы жыл сайын «Саябақтар шеруі» акциясы бойынша тазалық жұмыстарын жандандырып жүргендерін айтып, бүгінгі іс - шарада аталмыш акцияның жалғасы болатынын айтып, аудан тұрғындарын табиғатты ластамауға шақырды.
Тазалық акциясынан кейін журналистер сапары Береке ауылындағы «Олжас» жеке кәсіпкер иесі Қуат Демеуқұлов шаруашылығында жалғасты. Береке ауылдық округінің тұрғыны Қуат Жұмағалиұлы жылқы өсіруді басты мақсат санап үстіміздегі жыл «Ауыл аманаты» бағдарламасы бойынша жеңілдетілген несиеге қол жеткізген екен.
Алыстан ат терлетіп келген журналистер қауымына сұхбат берген шаруашылық иесі өзінің жастайынан Қамбар ата тізгінін берік ұстап, жылқы өсіруді көптен бері армандап жүргенін және сол арманына қол жеткізуіне мемлекеттік бағдарламаның оңтайлы келгені жөнінде қуана айтып, жаңадан қолға алған шаруашылығын көрсетті.
Мұнан соң аудан әкімінің орынбасары Асқар Кәдірұлы мен аудандық ауылшаруашы-лық бөлімінің басшысы Алибек Бөпешбаев журналистер қауымын Ақдала ауылдық округіне қарасты «Қайсар» шаруа қожалығының егіс алқа-бына бастап барды.
Дала төсін дүбірге бөлеп, бидай егу жұмыстарын жүр-гізіп жатқан шаруашылық иесі Қажымұқан Орынбаев пен механизаторлары Қайрат Қадырханұлы мен Айдос Қажымқанұлы атқаратын жұ-мыстары шаш – етектен болса да, бір сәтке тізгін тартып, қонақтармен сұхбаттасты.
Қажымұқан Ізтайұлының айтуынша өзінің шаруашылығына тиесілі 107 гектарына суармалы егістік алқабының 51 гектарына бидай, 56 гектар жерге күріш егуді жоспарлап, бүгінгі таңда бидай егу жұмыстарының жүйелі жүріп жатқанын айтты.
Ал аудан әкімінің орынбасары Асқар Кәдірұлы аудан бойынша 29247,9 гектар суармалы жерге егін егу жоспарланғанын айта келе, көктемгі дала жұмыстарына қажетті техникалардың және егін егумен айналысытын шаруашылықтарға мемлекет тарапынан жеңілдетілген бағада жанар - жағар май берілген, ауқымды жұмысқа шаруашылықтардың қарқынды кірісіп жатқанын тағы бірқатар аудан көлемінде атқарылып жатқан жұмыстар жөнінде баяндап шықты.
Осылайша бақ дарыған Балқаш ауданына сапар шеккен бұқаралық ақпарат құралдар өкілдері ырысы тасыған құт мекеннің тыныс – тіршілігімен жақын танысып, өңірдегі ауқымды істерді көзбен көріп, көңілге түйіп қайтты.
Бақтығали ДӘУІТБАЕВ, «Балқаш өңірі».
