Жаңа жыл мерекесі қарсаңында Ақжар, Жиделі ауылдық округіндегі Мәдениет үйлердің күрделі жөндеу жұмыстары толыққанды аяқталып, халық игілігіне пайдалануға беріліп, ауыл тұрғындарын шексіз қуанышқа бөледі.
Салтанатты шара Ақжар ауылдық округінен бастау алды. Ақжар ауылдық Мәде-ниет үйлердің ашылу салтанатына арнайы барған аудан әкімі Азат Құтпанбетов алдымен мерекелік шараға жиналған көпшілікті келе жатқан жаңа жылдарымен құттықтап, аудан көлемінде 15 мәдениет үйлері мен 15 кітапханалар және 1 тарихи-өлкетану музейі халыққа мәдени қызмет көрсетіп тұрғанын айтып, мәдени ошақтардың күрделі жөндеу жұмыстарына, заманауи жабдықталауына аса мән беріліп, осы бағытта ауқымда жұмыстар атқарылып жатқанын тілге тиек етті. Сонымен қатар Ақжар ауылдық Мәдениет үйінің күрделі жөндеу жұмыстарын жүргізген мердігер «Бауыр Құрылыс Компаниясы» жауапкершілігі шектеулі серіктестігінің басшысы Эльмира Сатыбалдиеваға ризашылығын білдіріп, биыл-ғы жылы аудан көлемінде атқа-рылған ауқымды жұмыстарға кеңінен тоқталып, алда келе жатқан жаңа 2025 жылға жоспарланған құрылыс жұмыстар жайында қысқаша баяндамасын жасады.
Келесі кезекте мәдени шараға арнайы барған аудандық Ардагерлер кеңесінің төрағасы Бақыт Сқабаев, аудандық мәслихат төрағасы Кәдірбек Омаров, аудандық кәсіподақ ұйымының төрағасы Самат Рақышев құттықтау тілектерін арнап, аудан көлеміндегі ел игілігі үшін атқарылып жатқан жұмыстардың орындалуына және құрылыс нысандарының сапалы аяқталуын басты талапқа қойып, ауызбірлікпен жұмыс жасаған ауданның атқа мінер азаматтарына алғыстарын жаудырды. Сондай –ақ Ақжар ауылдық Ардагерлер кеңесінің төрағасы Алтынбек Қанапияев пен аналар атынан сөз алған Нұржамал Қасабекова мен ауданнның Құрметті азаматы Ғалия Қалисанова ауыл тұрғындары атынан алғыстарын білдіріп, ауыл көркін ажарландырып тұрған Мәдениет үйінің күрделі жөндеу жұмыстары сапалы аяқталғанына шексіз қуаныштарын жеткізді.
Мұнан соң аудан орталығы-нан аталмыш ауылдардағы Мәдениет үйлерінің ашылу салтанатына қатысу мақсатында аудан басшысына сапарлас болған көпшілік Жиделі ауылына атбасын бұрды.
Бұл күнді сағына күткен жиделіліктер, аудан орталығы-нан келген қонақтар Мәдениет үйіне қадам баспас бұрын жаңартылып жасалған құрылыс нысанының лентасын салтанатты түрде кесіп, мәдени шараны әрмен қарай жалғастырды.
Қуаныштарын жасыра алма-ған ақжаулықты аналар қауымы шашу шашып, Жиделі орта мектебінің оқушылары туған жер, табиғат, ел бірлігін ойлаған азаматтар жайында жазылған өлең шумақтарды жатқа орындап, көпшіліктің қошеметіне бөленді.
Жиделі ауылының қуаны-шына ортақтасқан аудан басшысы Азат Үкітайұлы өзінің құттықтау тілегінде «Мәдениет - елдігімізді әлемге танытатын - ұлтымыздың символы. Кез - келген мемлекеттің қоғамның қалыптасуы мен дамуына мәдениеттің қосар үлесі зор екені белгілі.
Бұл нысанның құрылыс жұмыстарын мердігер «ТУНАС» жауапкершілігі шектеулі серіктестігі жүргізді. Міне, сол күрделі жөндеу жұмыстары аяқталып, халық игілігіне пай-далануға берілуде.
Мәдениет үйі ғимараты 1965 жылы арнайы салынған, соңғы күрделі жөндеу жұмысы 2005 жылы жүргізілген. Ауыл тұрғындарының аудан әкімінің халықпен кездесулерінде осы мәселе көтеріліп, сұралған болатын. 2022 жылы жобалық-сметалық құжаттамасының оң қорытындысы алынып, биыл күрделі жөндеуге қаржысы бөлініп, Мәдениет үйі күрделі жөндеуден өткізілді. Алдағы уақытта материалдық-техникалық базасы да жаңартылмақ» деп, Мәдениет үйінің күрделі жөндеу жұмыстарын жүргізген «ТУНАС» жауапкершілігі шектеулі серіктестігінің директоры Намазтай Түлкібаевқа аудан халқы атынан алғысын білдірді.
Аудан орталығынан арнайы барып, ауыл тұрғындарының қуанышын бөліскен құрметті қонақтар өздерінің жүрекжарды тілектерін арнаса, ауыл тұрғындары атынан сөз алған ауылдық Ардагерлер кеңесінің төрағасы Шыңғыс Байсынов пен ауылдық аналар Кеңесінің төрайымы Күлмария Абирова көптен күткен жайдарман жаңалықтың жаңа жыл қарсаңында орындалғанын жақсылыққа балап, ауыл тұрғындарының ұсыныс – пікірлерін назарға алып, Мәдениет үйдің күрделі жөндеуден өтуіне ықпал жасаған аудан башылығына ризашылықтарын жеткізді.
Қуанышқа ортақтасқан аудан өнерпаздары сахна төрінде әуелете ән шырқап, мерекелік шараның көрігін онан әрмен қыздыра түсті.
Бақтығали ДӘУІТБАЕВ, «Балқаш өңірі».
