Балқаш ауданы, Бақанас ауылдық округіне қарасты Бояулы ауылының 18 жасар тұрғыны Ақбота Әскерғалиқызы аудан орталығындағы №102 сайлау учаскесіне келіп, өз таңдауын жасады. Ақбота қазіргі таңда Алматы қаласындағы Қазақ ұлттық қыздар педагогикалық университетінің 1 курс студенті. Сайлау учаскесінің комиссия мүшелері жас сайлаушының алғашқы қадамына сәттілік тілеп, сый-сияпат жасады.
Ел ертеңі бүгінгі жастардың қолында. Сол себепті елімізде өткізілген саяси науқанға осындай ұшқыр ойлы жастардың атсалысып, белсенділік танытқаны маңызды.