Еліміздің шұрайлы өңірі саналатын Жетісу жерінде көптеген дүниелер қолға алынып, оның жемісі айқын сезілуде. Бұл жұмыстардың басы-қасында әрине облысымыздың басшысы Амандық Баталов тұрғандығы баршаға аян.
Ақиқатын айтсақ, кейінгі жылдар көлемінде ауыз толтырып айтатындай дүниелер іске асып, өз нәтижесін беруде. Қай саланы алып қарасаңызда алға жылжу динамикасы бар. Күн-түн демей тынымсыз жұмыс жасап, облыстың әлеуметі мен әлеуетін арттыруда ерен еңбектің үлгісін көрсетіп келе жатқан облыс әкімі Амандық Ғаббасұлының бастамасы көптеген өңірлерге үлгі.
Бүгінгі өткен брифинг барысында өңір басшысы көптеген мәселелерді орынды көтеріп, оның шешілу жолдарын әңгіме арқауына айналдырды. Бұл тұрғыда облыс көлемінде атқарылатын және атқарылуға тиісті жұмыстар айтылғандығын естіп, бір қуанып қалдым. Әрине толағай жұмыстардың арасында біздің бақ дарыған Балқаш өңіріне қатысты да жайттар баршылық.
Алдағы уақытта да өңір басшысы сенім үрдісінен шығып, алға қойған мақсат-мүдделеріне жететініне сенімдімін. Өйткені Амандық Баталов нағыз іскер азамат, білікті де білімді басшы.
Бақыт Сқабаев, Балқаш аудандық Ардагерлер кеңесінің төрағасы.
