«ҚАЗАҚСТАННЫҢ ҚҰРМЕТТІ
ЖУРНАЛИСІ» АТАНДЫ
Жайдарман жаңалықтардың тағы бірі-жақында жерлесіміз, бүгінде жетпіс жастың шың биігіне көтеріліп отырған қаламы қарымды, ойы шалымды жазушы-журналист ағамыз Шынәділ Мұқанұлы еліміздегі журналистер қауымының ең жоғарғы марапаты-«Қазақстанның Құрметті журналисі» атанды.
Жерлес әріптесімізге мұндай атақ Қазақстан Журналистер одағы басқармасының шешімімен журналистика саласындағы ұзақ жылғы мінсіз қызметі үшін берілді.
Қазақстан Журналистер одағының мүшесі Шынәділ Мұқанұлын осынау марапатымен шын жүректен құттықтай отырып, қаламыңыз одан әрі ұшталып, жазарыңыз таусылмасын дей келе, Сізден әлі де тұшымды да мазмұнды дүниелер күтеміз деген ақжарма тілегімізді арнаймыз.
