Індетке қарсы іс-шаралар жоспарына байланысты «Біз біргеміз!» республикалық акциясы аясында аудан еріктілері де қайырымдылық шараларынан тыс қалмады. Осы орайда, егемен еліміздің жарқын болашағының кепілі саналатын аудан жастары өңірдің барша тұрғындарына тегін бетперделер таратып, халықтың ыстық ықыласына бөленді. Коронавирустың алдын алу мақсатында таратылған бұл бетперделер барша тұрғындардың денінің саулығын қамтамасыз етуге бағытталған.
Осындай қиын сәтте бір жеңнен қол, бір жағадан бас шығарып, жұмылған жұдырықтай бір-бірімізге демеу болуымыз аса маңызды болып отыр.
Мемлекет басшысының ел жастарына зор сенім артып, биылғы жылды «Еріктілер жылы» деп жариялағанынан кейін, осындай іс-шараларға белсене араласатын жастарға әрдайым сенім артуға болады деген сенімдіміз.
