Өткен жылғы қыркүйек айында алғаш рет Министрлік «Біртұтас тәрбие» бағдарламасын әзірлеп, қабылдады. Биылғы жылы бағдарлама Мемлекет басшысының «Адал адам – Адал еңбек – Адал табыс» Ұлттық құрылтайының үшінші отырысында алты құндылық тобы және 77 қадамдық іс-қимыл бойынша айтқан жалпыұлттық құндылықтарға сәйкес жаңартылды.
Бағдарлама аясында еліміздің барлық мектептерінде Ата-аналарға педагогикалық қолдау көрсету орталықтары жұмыс істеуде. Олардың басты бағыты балаларды оқыту мен тәрбиелеуде отбасы мен мектептің өзара ынтымақтастығын арттыру, позитивті ата-ана мәдениетін қалыптастыру болып табылады. Бағдарламаның жүзеге асырылуының арқасында ата-аналардың балаларының мектептегі өміріне қатысуы 40%-дан 60%-ға дейін өсті. Мұғалімдер арасында жүргізілген сауалнама нәтижесі бойынша респонденттердің 82%-ы бағдарламаның сынып жетекшілерінің кәсіби дамуына оң әсерін, 84%-ы «Біртұтас тәрбиенің» оқушы белсенділігінің өсуіне оң әсерін, ал 71%-ы мектеп пен отбасының өзара ынтымақтастығының артқанын атап өтті.
«Оқуға құштар ұлт» жобасына қосылған оқушылар саны 30%-дан асты, мектеп кітапханаларының қоры биылғы жылы 1,3 млн кітапқа артып, жалпы саны 4,8 млн дананы құрады. 1717 коворкинг-орталықтарын құру арқылы білім беру ұйымдары кітапханаларының материалдық-техникалық базасы жақсартылды.
Президент балалардың шығармашылық пен қолөнердің қыр-сырын меңгеруі үшін балалар үйірмелерінің жұмысын қалпына келтіру міндетін қойды. Биылғы жылы балаларды қосымша біліммен қамту 86,3%-ға дейін өсті – бұл 3,3 млн бала, ал қосымша білім беру ұйымдарының желісі 1625-тен 1713-ке дейін артты. Жалпы, қосымша білім беру үш бағытта жүзеге асырылады: мектептен тыс ұйымдар, мектеп үйірмелері мен спорт секциялары. Елімізде барлығы 1625 мектептен тыс ұйым бар және әртүрлі бағыттағы 380 үйірме түрі ұсынылады.
Сонымен қатар қосымша білім беру ұйымдарының құрылысы да қарқынды жүруде. Биылдың өзінде 8 қосымша білім беру орталығы, 3 балалар сауықтыру орталығы (лагерьлер), ауылдық мектептерде 779 комъюнити-орталықтар ашылды, 190 қосымша білім беру ұйымы жаңартылды.
Балалардың сауықтыру демалысын, жұмыспен қамтылуын және бос уақытын тиімді пайдалануды ұйымдастыру 2024 жылдың жазында басты мәселелердің біріне айналды. Биыл алғаш рет лагерьлер үшін бірыңғай талаптар әзірленіп, оның жұмысына волонтерлер мен қосымша білім беру мұғалімдері тартылды. Сондай-ақ лагерьге қабылдау мен нұсқаулық өткізудің республикалық мониторингі құрылды. Уәкілетті мемлекеттік органдар бекіткен балаларды сауықтыру орталықтарының тізілімі жасалды. Балалар мен олардың ата-аналарына ыңғайлы болу үшін «Балаларға базарлық» және «Қауіпсіз жаз» ақпараттық пакеті әзірленді. Балалардың жазғы демалыс мәдениетін дамыту және олардың қауіпсіздігін қамтамасыз ету үшін Қазақстан Республикасының Оқу-ағарту министрлігі «Сенің қуанышқа толы демалысың» Guidebook-ін әзірледі. 120 мың педагог-ұйымдастырушы арнайы оқудан өтті. Өңірлерде «Ұлы дала кереметі», «Жас Ғалым», «Гастро туризм», «Бір күн қалада», «Қонақжай отбасы» атты жазғы демалысты ұйымдастыру бойынша бірегей жобалар жүзеге асырылды. 2024 жылдың жазының қорытындысы бойынша 11287 балалар сауықтыру орталықтарында 3,1 млн оқушы немесе балалардың 93,4%-ы, оның ішінде әлеуметтік жағынан осал отбасылардан 600 мыңнан астам бала және су тасқынынан зардап шеккен өңірлерден 5 мыңнан астамы демалыспен және сауықтырумен қамтылды.
Инфрақұрылым, қауіпсіздік, цифрландыру
Жыл қорытындысы бойынша елімізде 200 мыңнан астам оқушы орны құрылды. Оның ішінде білім беру инфрақұрылымын қолдау қоры есебінен 23 нысан бар. Республикалық және жергілікті бюджет қаражаты, сондай-ақ инвестиция тарту есебінен - 126 мектеп.
Бүгінгі таңда «Жайлы мектеп» ұлттық жобасы аясында 105 мектеп құрылысы аяқталды.
Бұрын-соңды болмаған мектеп салу шаралары үш ауысыммен байланысты проблемаларды айтарлықтай қысқартты. Бүгінде елімізде 3 мыңға жуық мектеп бір ауысымда жұмыс істейді. Сонымен қатар 254 орта оқу орны күрделі жөндеуден өтті, 967 мектеп үшін 1621 заманауи пәндік кабинет (робототехника, химия, биология, физика, STEM) сатып алынды. 1 мың ауылдық мектеп жаңғыртылды. 10 мыңнан астам білім беру ұйымдарының қауіпсіздік жүйелерімен техникалық жарақтандырылуы арттырылды.
Ағымдағы жылдың қыркүйек айынан бастап мектептердің 1,7 млн оқушысы үшін әлеуметтік осал отбасылардан шыққан 97 мың балабақша тәрбиеленушілері тегін тамақтандырылды.
Мемлекет басшысының тапсырмасы бойынша білім беруді цифрландыру процесін жеделдету бойынша кешенді жұмыс жүргізілді. 2024 жылдың қорытындысы бойынша интернет жылдамдығы мектептердің 19% -дан 90% -ға дейін ұлғайды. Қазақстандық мектептерде сапалы интернет көрсеткіші 3 есеге артты. Бұл ретте мектеп оқулықтарының 100%-ы цифрлық форматқа ауыстырылды және 11 платформада қолжетімді.
Астана, Маңғыстау, Ақмола және Батыс Қазақстан облыстарының 215 мектебінде тиісті санаттағы балаларды тегін тамақтандыруға арналған «Әлеуметтік әмиян» пилоттық жобасы іске асырылуда.
Primeminister.kz сайтының редакциясы
